Një qytetare që mori pjesë në protestë ka reaguar ashpër ndaj situatës në vend, duke ngritur shqetësime për ...
AKTUALITET
Gjykata e Lartë kthen për rigjykim në GJKKO dosjen e ish-kryebashkiakut të Himarës, Jorgo Goro lidhur me sekuestrimin e pasurive
PiranjatPërditësimi i fundit 23 Prill 2026, 16:17
Gjykata e Lartë ka rikthyer ditën e sotme për rigjykim në GJKKO dosjen e ish-kryebashkiakut të Himarës, Jorgo Goro lidhur me sekuestrimin e pasurive. Ky vendim lidhjet me sekuestrimin e pasurive të Jorgo Goros, personave apo subjekteve të tjerë lidhur me këtë çështje dhe u mor pas ankimimit dhe rekursit që ka depozituar pala mbrojëse e tij.
Ish-kryebashkiaku i Himarës, Jorgo Goro, u arrestua për shpërdorim detyre, kryer në bashkëpunim në lidhje me tjetërsimin e një sipërfaqeje toke, që gjendet në fshatin Gjilekë të Dhërmiut, të cilën Gjykata e Posaçme e ka nën sekuestro. Këto sipërfaqe prej rreth 10 mijë metra katror janë sekuestruar nga SPAK dhe si përfitues fundor kishin ish-deputetin Artan Gaçi.
Goro u arrestua në mars të vitit të kaluar, pas kallëzimit te depozituar nga Fredi Beleri. Për të njëjtën çështje, do të gjykohet edhe ish-kreu i Kadastrës së Vlorës, Bilbil Aliaj, i cili ndodhet në masën e sigurisë ‘detyrim paraqitje’ si dhe ish-juristi Vezir Gjikoka që ka masën ‘arrest në shtëpi’.
Vendimi i Gjykatës së Lartë:
“JORGO GORO
VEZIR GJIKOKAJ
SHOQERIA AG.TCC SH.P.K.
Neni 248 e 25, 257/a paragrafi i dyte, te Kodit Penal Mospranimin e rekursit të të gjykuarit Jorgo Goro, kundër vendimit nr. 39 (87-2025-261), datë 22.07.2025 të Gjykatës së Posaçme të Apelit për Korrupsionin dhe Krimin e Organizuar.
Prishjen e vendimit nr. 39 (87-2025-261), datë 22.07.2025 të Gjykatës së Posaçme të Apelit për Korrupsionin dhe Krimin e Organizuar dhe vendimit nr.25, datë 13.03.2025, të Gjykatës së Posaçme të Shkallës së Parë për Korrupsionin dhe Krimin e Organizuar, për sa i përket pikës 4 të disponimit të Gjykatës së Posaçme të Shkallës së Parë për Korrupsionin dhe Krimin e Organizuar, lidhur me konfiskimin e pasurive të paluajtshme, dhe dërgimin e çështjes për rigjykim në Gjykatën e Posaçme të Shkallës së Parë për Korrupsionin dhe Krimin e Organizuar, me tjetër trup gjykues”.
