Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
AKTUALITET
Gjyqi për aksidentin hekurudhor në Greqi/ Shqiptarit Pano Ruçi i bie të fikët, shtrohet në spital
PiranjatPërditësimi i fundit 1 Prill 2026, 13:48
Shqiptari Pano Ruçi, i cili humbi djalin e tij 21-vjeçar në aksidentin hekurudhor të Tempit tre vite më parë në Greqi dhe u bë i njohur për grevën e tij trejavore para parlamentit për drejtësi, humbi ndjenjat gjatë procesit që ka nisur me tensione në Gjykatë dhe përfundoi në spital.
Mediat greke informuan se ai mbetet në Spitalin Universitar të Larisës, pasi u transportua me ambulancë EKAB nga kompleksi “Gaiopolis”, ku vazhdon gjyqi për aksidentin hekurudhor të Tempit.
Sipas informacionit nga presidenti i POEDIN, Ruçi (Panos Routsis) ka pasur një episod të të fikëtit dhe është nxjerrë nga salla e gjyqit. Ai aktualisht ndodhet në spital dhe po monitorohet nga mjekët. I njëjti informacion thotë se ai është në gjendje të mirë shëndetësore.
Por ndryshe mendon avokatja e tij mbrojtëse, që akuzon policinë si shkaktare, pas dhunës së ushtruar.
Në të njëjtën kohë, sipas asaj që raportoi avokatja e tij, Zoe Konstantopoulou, shqiptari u dhunua nga gjashtë oficerë policie.
“Është e paimagjinueshme. Më vjen shumë keq, më shihni të shqetësuar, sepse mua dhe prindërve të mi u ushtrua dhunë. Mirela Ruçi u pengua të më afrohej në sallën e gjyqit, ndërsa unë u pengova gjithashtu, me urdhër të gjykatës, t’i afrohesha. Panos Routsis u dhunua nga gjashtë oficerë policie, të cilët e rrahën”, tha ajo, ndër të tjera.
Nga ana e tij, siç u përmend më sipër, presidenti i Federatës Panhelenike të Punonjësve të Spitaleve Publike (POEDIN ), Michalis Giannakos, deklaroi se Ruçi u transportua këtë mëngjes nga gjykatat në Spitalin Universitar të Larisës, pas një episodi të raportuar për të fikët.
Sipas tij, pacienti nuk është lënduar dhe po monitorohet në Njësinë e Kujdesit Afatshkurtër nga kardiologët në spital.
“Drejtësia duhet të vihet në vend”, tha Giannakos.
