Goditi efektivin në burg, zbulohet çfarë e nervozoi Nuredin Dumanin

Efektivi Rexhep Sina kishte shkuar pranë një tjetër të penduari të drejtësisë, Erjon Alibej. Pikërisht prania e policit pranë Alibejt ka nervozuar Dumanin. Detaje të reja janë zbardhur në lidhje me incidentin mes të penduarit të drejtësisë, Nuredin Dumani dhe një efektivi të Policisë së Mbrojtjes së Dëshmitarëve.

Ngjarja ka ndodhur më 5 gusht, rreth orës 08:00 të mëngjesit, ndërsa tashmë janë bërë të ditura edhe rrethanat që dyshohet se çuan në reagimin e Dumanit.

Sipas gazetares Klodiana Lala, efektivi Rexhep Sina kishte shkuar pranë një tjetër të penduari të drejtësisë, Erjon Alibej. Pikërisht prania e policit pranë Alibejt dyshohet se ka nervozuar Dumanin.

Në këto rrethana, Dumani ka reaguar duke i hedhur efektivit një kovë me ujë dhe duke e goditur atë.

Pas incidentit, efektivi Rexhep Sina i është drejtuar Prokurorisë së Tiranës, ku ka bërë kallëzim dhe ka kërkuar nisjen e procedurave për veprën penale “Goditje për shkak të detyrës”.

Rasti tashmë është në vëmendjen e autoriteteve, të cilat pritet të verifikojnë rrethanat dhe dinamikën e plotë të incidentit.