Grabiti një shtetase të huaj në mes të Lungomares, forcat “Shqiponja” arrestojnë hajdutin

Forcat “Shqiponja” kanë bërë të mundur kapjen dhe arrestimin e një shtetasi, i cili dyshohet se ka vjedhur me forcë varësen dhe telefonin e një shtetaseje të huaj në zonën e Lungomares, në Vlorë.

Pas sinjalizimit, shërbimet e policisë kanë reaguar menjëherë, duke e pikasur autorin dhe duke e shoqëruar në Komisariatin e Policisë Vlorë.

Nga verifikimet paraprake rezulton se i arrestuari është proceduar edhe më parë për vjedhje, ndërsa vijojnë veprimet procedurale për dokumentimin e plotë të ngjarjes.