Grabitje në Lezhë, dy persona sulmojnë taksistin dhe i marrin lekët

Një taksist është grabitur në qytetin e Lezhës, ndërsa policia ka nisur hetimet për identifikimin e autorëve.

Sipas kallëzimit të bërë nga viktima, dy persona i kanë zënë pritë dhe, pasi e kanë dhunuar, i kanë marrë sendet personale dhe një shumë parash.

Grupi hetimor po analizon pamjet e kamerave të sigurisë në zonë, me qëllim identifikimin dhe kapjen e personave të dyshuar për grabitjen.

Ndërkohë, vijojnë hetimet për të përcaktuar rrethanat e plota të ngjarjes.