L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
AKTUALITET
Hetimet për ekzekutimin e Gilmando Danit dhe Muçi Shaljanit! Spanja i kthen përgjigje autoriteteve shqiptare: Vikitmat nuk kanë precedentë penal
PiranjatPërditësimi i fundit 17 Dhjetor 2025, 16:33
Autoritetet spanjolle u kanë kthyer përgjigje zyrtare institucioneve shqiptare, duke konfirmuar se Gilmando Dani dhe Mustafa Shaljani, i njihur si "Sheqeri", nuk rezultojnë me precedentë penalë në Spanjë. Gjithashtu, gjatë katër ditëve që ata qëndruan në Barcelonë, janë regjistruar si turistë dhe autoritetet spanjolle bëjnë me dije se nuk disponojnë informacione apo prova që të kenë qenë të ndjekur apo të vëzhguar nga persona të tjerë.
Sipas gazetarit të Syri TV, Klajdi Bodlli, pistat hetimore çojnë në dyshimin se përgatitja e atentatit ka nisur në momentin kur Dani dhe Sheqeri janë nisur nga aeroporti i Rinasit drejt Barcelonës, më 7 nëntor. Dyshohet se autorët kanë qenë në dijeni të udhëtimit të tyre dhe kanë pritur rikthimin në Shqipëri për të vepruar.
Si ndodhi ngjarja?
Atentati mafioz ndodhi mesditën e 11 nëntorit pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.
Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer. Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil.
