Gratë janë ende të nën-përfaqësuara në politikën amerikane, por në zgjedhjet më 3 nëntor, ato mund t&eum...
AKTUALITET
Himarë/ Qëlloi me pistoletë në ajër pas konfliktit, arrestohet 53-vjeçari
PiranjatPërditësimi i fundit 4 September 2026, 13:56
Një 53-vjeçar është arrestuar në flagrancë në fshatin Bunec, pasi dyshohet se ka qëlluar me armë zjarri në ajër pas një konflikti për motive të dobëta.
I arrestuari është shtetasi F. L., 53 vjeç, banues në Bunec. Sipas Policisë, ai është konfliktuar me shtetasin M. D. dhe më pas ka qëlluar me pistoletë në ajër.
Ngjarja u konstatua pas marrjes së njoftimit nga Policia, e cila organizoi operacionin e koduar “Bunec”, në bashkëpunim me Forcën e Posaçme “Shqiponja” të DVP Tiranë.
Gjatë operacionit u sekuestruan pistoleta dhe krehri me fishekë, si prova materiale.
Materialet procedurale i kaluan Prokurorisë së Vlorës. 53-vjeçari dyshohet për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja” dhe “Prishja e qetësisë publike”.
Njoftimi:
Himarë/Finalizohet operacioni i koduar “Bunec”. Qëlloi me armë zjarri, në ajër, pas një konflikti për motive të dobëta, me një shtetas, arrestohet në flagrancë 53-vjeçari.
Sekuestrohen arma e zjarrit pistoletë dhe municion luftarak.
Shërbimet e Komisariatit të Policisë Himarë, në bashkëpunim me shërbimet e Forcës së Posaçme “Shqiponja” të DVP Tiranë, menjëherë pas marrjes së njoftimit se në fshatin Bunec, ishte qëlluar me armë zjarri, organizuan punën dhe finalizuan operacionin e koduar “Bunec”.
Si rezultat i operacionit, u arrestua në flagrancë shtetasi F. L., 53 vjeç, banues në fshatin Bunec.
Nga veprimet hetimore dyshohet se 53-vjeçari, pas një konflikti për motive të dobëta me shtetasin M. D., ka qëlluar me armë zjarri pistoletë, në ajër.
Në cilësinë e provës materiale u sekuestruan arma e zjarrit pistoletë dhe krehri i saj me fishekë.
Materialet procedurale i kaluan Prokurorisë së Vlorës, për veprime të mëtejshme, për veprat penale "Mbajtja pa leje dhe prodhimi i armëve, armëve shpërthyese dhe i municionit", "Kanosja" dhe "Prishja e qetësisë publike".
