Humb kontrollin e motomjetit në Mirditë, humb jetën 38-vjeçari

Një aksident i rëndë ka ndodhur mbrëmjen e djeshme në afërsi të fshatit Fan, në Mirditë.

Policia njofton se një shtetas nga Kosova dyshohet se ka humbur kontrollin mbi drejtimin e motomjetit dhe ka dalë nga rruga.

Si pasojë, drejtuesi i motomjetit me inicialet L. D., 38 vjeç, është transportuar për ndihmë mjekësore në Spitalin e Rrëshenit, por pavarësisht ndihmës së marrë, ka humbur jetën.

“Në afërsi të fshatit Fan, Mirditë, shtetasi kosovar me iniciale L. D., 38 vjeç, duke drejtuar motomjetin e tij, dyshohet se ka humbur kontrollin mbi drejtimin e motomjetit dhe, për pasojë, ka dalë nga rruga.

Si pasojë e aksidentit, drejtuesi i motomjetit është transportuar për ndihmë mjekësore në Spitalin e Rrëshenit, ku, pavarësisht ndihmës së marrë, ka humbur jetën”, njofton policia.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.