Banorët e fshatit Cizmel në Shijak kanë protestuar për mungesën e rrugës që lidh tokat e tyre bujqësore.
Sipas banor&...
AKTUALITET
I deportuari i amerikanëve drejt lirisë? I akuzuari për tre vrasje dorëzon kërkesë në gjykatë
PiranjatPërditësimi i fundit 12 Gusht 2026, 18:20
Gjashtë ditë pasi Sokol Hoxha u deportua në Shqipëri nga marshallë të ambasadës Amerikane dhe agjencia policore federale ICE, Sokol Hoxha i është drejtuar gjykatës me kërkesën për tu liruar.
Siç bënë me dije burime shumë të sigurta gazetares së Top Channel Anila Hoxha, i dënuari në Shqipëri për vrasjen e vëllezërve Ilirjan dhe Hektor Banaj i është drejtuar gjykatës së Fierit.
Përmes avokatëve i dënuari thotë se vendimi kundër tij është parashkruar përsa kohë ai ka jetuar në arrati më shumë se 25 vite dhe për këtë arsye duhet të lirohet.
Burimet shtuan se është hedhur shorti dhe çështja do të shqyrtohet në datën 16 shtator në këtë gjykatë.
Sakaq Sokol Hoxha, i sjellë në Shqipëri pas një hetimi ndërkombëtar që zbuloi se ai po u fshihej disa shteteve, kërkohet dhe në Belgjikë për vrasjen e Brunilda Dervishit. Por belgët nuk dorëzuan asnjë kërkesë për ekstradimin e tij në vendin e tyre të Hoxhës, i cili pas një arratie që startoi në 1997, u zbulua me identitet kosovar në USA.
Gazetarja e Top Channel Anila Hoxha, raporton se Sokol Hoxha mbahet në paraburgimin 313, dhe komunikimi i vendimit shqiptar i është deklaruar nga një oficer i policisë gjyqësore, ndërsa prokuroria e përgjithshme ka njoftuar autoritetet belge për situatën me sugjerimin që burgosjen e përjetshme për vrasjen e Dervishit ta vuajë në Shqipëri.
E teksa do të pritet gjykata e Fierit që do të llogarisë afatet e parashkrimit ndaj të shumëkërkuarit, në dosjen e Brukselit që ju vendos në dispozicion gazetares së Top Channel, Anila Hoxha, përmendet se Brulinda Dervishi u martua në Elbasan me vrasësin e saj një muaj përpara se të vritej.
Çifti udhëtoi drejt Belgjikës dhe në gusht 1997, një ditë përpara se ajo të vritej viktima telefonoi prindërit duke ju shprehur shqetësimin se bashkëshorti donte ta vriste.
Më pas prindërit rezulton se u telefonuan edhe nga Hoxha i cili kërkoi adresën se ku gjendej e reja.
Nga dinamika e mëparshme e ngjarjes autori e gjeti viktimën në lokalin ‘Ship shops” në Bruksel dhe aty ajo u qëllua me armë zjarri për vdekje. E reja gjendej nën shoqërinë e një shqiptari tjetër.
Autoritetet e identifikuan Hoxhën nga numri i telefonit me të cilin ai komunikoi me prindërit e Brunildës që i përkiste një të reje tjetër shqiptare me inicialet A.Z, që ushtronte prostitucion në Bruksel.
Pikërisht gjatë kontrollit të banesës ku jetonte kjo shtetase e cila dyshohet se është larguar në Britani me identitet të rremë, është gjetur një dokument identifikimi grek me fotografinë e të dyshuarit./Top Channel
