Një tjetër rast ku një elektriçist humb jetë gjatë punës është regjistruar në vendin tonë.
Ngjarja k...
AKTUALITET
‘I forti’ me “Ford” parakalon nëpër kthesa
PiranjatPërditësimi i fundit 12 Maj 2026, 17:07
Një tjetër rast i papërgjegjshmërisë ekstreme në rrugët shqiptare ka mbërritur në redaksinë tonë, duke treguar se pavarësisht aksidenteve, viktimave dhe fushatave të policisë, disa shoferë vazhdojnë të sillen si “pronarë” të jetës së të tjerëve.
Në pamjet e dërguara nga një qytetar shihet një automjet që nxjerr tym sterrë të zi, çka ngre dyshime serioze mbi mënyrën se si ka kaluar kolaudimin teknik. Për shumë qytetarë, raste të tilla janë prova e qartë se kontrollet shpesh bëhen vetëm në letër dhe me para nën dorë.
Por skandali nuk mbaron këtu. Shoferi kryen një parakalim të rrezikshëm në kthesë, në një moment kur një automjet tjetër po vinte përballë. Një manovër që mund të ishte kthyer lehtësisht në tragjedi dhe që tregon mungesë totale përgjegjësie ndaj jetës së pasagjerëve dhe drejtuesve të tjerë në rrugë.
Edhe pse prej muajsh flitet për radarë, dronë dhe masa të ashpra për sigurinë rrugore, realiteti në asfalt mbetet i njëjtë. Kamikazët e timonit vazhdojnë të qarkullojnë lirshëm, duke sfiduar ligjin dhe duke rrezikuar çdo ditë jetën e qytetarëve të pafajshëm.
Në Shqipëri duket se mund të blesh gjithçka: kolaudimin, patentën dhe në fund edhe pandëshkueshmërinë. Ndërkohë, ata që paguajnë çmimin më të rëndë janë qytetarët e zakonshëm, që çdo ditë dalin në rrugë pa e ditur nëse do të kthehen shëndoshë në shtëpi.
