Kryeministri Edi Rama ka publikuar një status të gjatë në rrjetet sociale për të mbrojtur ligjin e “Paketës së M...
AKTUALITET
I mori pistoletën policit dhe e qëlloi në kofshë, zbardhet dëshmia e 45-vjeçarit: Isha në efektin e drogës
PiranjatPërditësimi i fundit 20 Maj 2026, 18:32
Detaje të reja kanë dalë nga plagosja e efektivit 20-vjeçar Arsen Toska i i cili mbeti i plagosur mbrëmjen e së hënës gjatë arrestimit të 45-vjeçarit, Zamir Skënderi, pasi ky i fundit i mori armën policit dhe e qëlloi në këmbë.
Mësohet se Skënderi është marrë disa herë në pyetje nga dhe ka deklaruar se nuk kujton asgjë nga ngjarja, pasi pretendon se ka qenë nën efektin e lëndëve narkotike.
“Nuk mbaj mend asgjë nga ajo që ka ndodhur pasi kam qenë nën efektin e lëndëve narkotike”, ka thënë 45-vjeçari përballë efektivëve.
Ndërsa pas arrestit, gjatë kontrolleve të ushtruara nga policia, Skënderit i është gjetur një sasi kokaine.
Ngjarja e rëndë ndodhi mbrëmjen e së hënës, më 18 majit, në aksin nacional Fier-Dimal, në dalje të fshatit Kutalli, teksa tre efektivë po transportonin të shoqëruarin drejt Komisariatit të Kuçovës.
Zamir Skënderi ndodhej i ulur në sediljen e pasme të automjetit të policisë, ku ka përfituar nga rrethanat për t’i marrë armën efektivit që e shoqëronte.
Ai e ka qëlluar policin 20-vjeçar në kofshë, ndërkohë që pas të shtënave, dy efektivët e tjerë kanë reaguar duke e neutralizuar 45-vjeçarin.
Efektivi i plagosur është transportuar fillimisht në Spitalin Rajonal të Beratit dhe më pas është dërguar në Spitalin e Traumës në Tiranë, ku ndodhet jashtë rrezikut për jetën dhe po merr trajtimin e nevojshëm mjekësor.
