Atentati në Sarandë/ Autorët u larguan me motor drejt varrezave dhe humbën gjurmët, nisin kontrollet nga deti

Një ngjarje e rëndë ka ndodhur këtë mbrëmje në Sarandë, ku një person është qëlluar me armë zjarri. I plagosuri është identifikuar si Thimjo Rubati, 50 vjeç.

Ai është dërguar drejt ambienteve të spitalit për të marrë ndihmën e specializuar mjeksore, ndërsa bëhet me dije se ndodhet në gjendje të rëndë dhe po i nënshtrohet një ndërhyrjeje kirurgjikale. 

Bëhet me dije se autorët pasi kanë qëlluar 50-vjeçarin janë larguar me motor drejt varrezave dhe kanë humbur gjurmët. Policia ka nisur kontrollet nga deti ndhe toka.

Forca të shumta policie kanë rrethuar zonën dhe kanë nisur hetimet për zbardhjen e plotë të ngjarjes.

Ndërkohë, janë blinduar hyrje-daljet e qytetit dhe vijojnë kontrollet për kapjen e autorëve.