Ministrja e Ekonomisë, Delina Ibrahimaj, ka deklaruar sot pas mbledhjes së qeverisë se në kuadër të programit do të je...
AKTUALITET
"I pacipë"/ Protestuesi shpërthen ndaj Ramës: Çfarë të dukemi ne, dele?
PiranjatPërditësimi i fundit 3 Qershor 2026, 20:15
Protesta kundër projektit turistik në Zvërnec po vijon para Kryeministrisë, ku qytetarët dhe aktivistët kanë mbajtur fjalime kundër qeverisë dhe investimit të planifikuar në zonën e mbrojtur të Vlorës. Një prej protestuesve ka reaguar ashpër ndaj deklaratave të Kryeministrit Edi Rama, duke e akuzuar se po përçan qytetarët dhe po injoron ata që nuk e kanë mbështetur me votë.
Nga podiumi i protestës, ai tha se shqiptarët janë lodhur nga qeverisja aktuale dhe se kreu i qeverisë nuk mund të ndajë qytetarët sipas bindjeve politike.
“I ke lodhur shqiptarët sa që tani e vetmja punë që di të bësh është të na shkatërrosh. Tha diçka tjetër sot, ‘u drejtohem vetëm atyre që më kanë votuar’. I pacipë! Çfarë të dukemi ne, dele? Ne jemi shqiptarë”, deklaroi protestuesi.
Deklarata e tij u prit me duartrokitje dhe brohoritje nga pjesëmarrësit në tubim, të cilët vijojnë të qëndrojnë para Kryeministrisë në ditën e katërt të mobilizimit kundër projektit në Zvërnec.
Gjatë protestës nuk kanë munguar as thirrjet kundër qeverisë dhe kërkesat për anulimin e investimit, të cilin protestuesit e konsiderojnë të dëmshëm për mjedisin dhe interesin publik.
Tubimi po vijon normalisht, ndërsa organizatorët kanë paralajmëruar se kundërshtimi ndaj projektit do të vazhdojë edhe në ditët në vijim.
