Një ngjarje tragjike ka tronditur Indonezinë, ku një 24-vjeçare humbi jetën pasi u sulmua nga një krokodil gati pesë metra ...
AKTUALITET
Krimi që tronditi Greqinë: Kush është 44-vjeçarja nga Gramshi që u vra dje nga i shoqi në ditëlindjen e vajzës së tyre
PiranjatPërditësimi i fundit 27 August 2026, 12:28
Është publikuar ditën e sotme fotoja e 44-vjeçares shqiptare Esma Meço, e cila u vra ditën e djeshme nga bashkëshorti i saj.
Shqiptarja nga Gramshi u qëllua për vdekje me thikë në zonën e e qafës nga burri i saj 53-vjeçar Bujar Meço.
Mediat greke shkruajnë se 44-vjeçarja ishte viktimë e dhunës në familje për shumë vite. Në këto rrethana, mësohet se Esma kishte vendosur të ndahej dhe kishte caktuar një takim me avokatin e saj, i cili do të zhvillohej ditën e sotme nëse gjërat nuk do të përmbylleshin në mënyrë tragjike.
Teksa hetimet për zbardhjen e plotë të ngjarjes janë në vijim, bëhet me dije se kanë dalë detaje nga ekzaminimi mjeko-ligjor, i cili ka konfirmuar se Esma vdiq në vend si pasojë e plagës së marrë.
Plaga me thikë në pjesën e qafës ishte e thellë, me tehun që arrinte dhe depërtonte në mushkërinë e djathtë, duke shkaktuar gjakderdhje të rëndë të brendshme dhe të jashtme.
Ndërsa bëhet me dije se në trup nuk u gjetën dëmtime të tjera e thuhet se vdekja vlerësohet të ketë ndodhur shumë shpejt, për vetëm 3 deri në 5 minuta. Ndërsa mësohet se thika që i mori jetën Esma Meços ishte afërsisht 20 centimetra e gjatë.
Në një prononcim të dhënë për Protothema.gr avokatja që përfaqësonte 44-vjeçaren fatkeqe, Evangelia Kola bëri me dije se viktima kishte vendosur të divorcohej nga 53-vjeçarja dhe se ata nuk jetonin bashkë së fundmi.
Referuar hetimeve të deritanishme, raportohet se arsyeja e dhunës së ushtruar ndaj Esmës të ketë qenë xhelozia, mirëpo për vrasjen e saj nuk përjashtohet mundësia që shkak të jetë bërë kërkesa për divorc.
Ndërsa raportohet se 53-vjeçari merrte ilaçe dhe më parë ishte shtruar në një klinikë psikiatrike, por u përcaktua se nuk kishte nevojë për shtrim të mëtejshëm në spital.
