Ministria e Drejtësisë ka reaguar lidhur me transferimin e Erion Veliajt nga ambientet e paraburgimit, duke sqaruar se lëvizja drejt Institucioni...
AKTUALITET
I vihet sërish flaka vendgrumbullimit të mbetjeve në Kameras, tymi toksik mbulon zonën nga Mamurrasi në Kamëz
PiranjatPërditësimi i fundit 27 August 2026, 17:52
Një zjarr masiv ka përfshirë sërish vendgrumbullimin e mbeturinave në Kameras të Fushë-Krujës, duke shkaktuar një situatë alarmante mjedisore për të gjithë zonën rrethuese. Sipas të dhënave të para nga autoritetet, ekzistojnë dyshime të forta se zjarri është i qëllimshëm, pasi flakët i janë vënë të gjithë fushës së mbetjeve njëkohësisht, çka ngre dyshime për përdorimin e lëndëve djegëse. Kjo është hera e dytë brenda një periudhe rreth njëmujore që ky vendgrumbullim bie pre e flakëve. Reja e dendur e tymit toksik ka mbuluar menjëherë zonën, ndërsa në varësi të drejtimit të erës, tymi po përhapet me shpejtësi drejt Mamurrasit dhe Kamzës, duke vështirësuar frymëmarrjen e banorëve.
Në vendngjarje kanë mbërritur forcat zjarrfikëse, të cilat po përpiqen të mbajnë flakët nën kontroll për të shmangur përhapjen e mëtejshme. Megjithatë, ekspertët bëjnë me dije se izolimi dhe shuarja e zjarrit është e pamundur të realizohet vetëm me ujë nga mjetet zjarrfikëse.
Kjo lloj vatre kërkon nevojë urgjente për ndërhyrje me mjete të rënda dhe fadroma për të bërë kapsulimin e mbetjeve me dhe, si e vetmja mënyrë efikase për shuarjen e plotë të flakëve nën sipërfaqe.
