16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Incidenti brenda policisë së Sarandës, policia reagon zyrtarisht: I arrestuari theu kamerën e sigurisë dhe...
PiranjatPërditësimi i fundit 9 September 2026, 21:05
Pas incidentit të regjistruar në ambientet e dhomave të ndalimit në Komisariatin e Policisë Sarandë, policia e Vlorës dha versionin e saj, duke theksuar se shtetasi me inicialet D. S., gjatë qëndrimit në dhomat e ndalimit, ka shfaqur shenja të një gjendjeje të rënduar emocionale dhe sjellje agresive.
Sipas policisë, ai ka dëmtuar një kamerë sigurie, tavanin e dhomës, si dhe një karrige dhe një tavolinë.
Për situatën është njoftuar menjëherë urgjenca e spitalit dhe shtetasi ka marrë ndihmën e nevojshme mjekësore. Paralelisht, për ngjarjen është vënë në dijeni edhe Prokuroria dhe janë kryer të gjitha veprimet procedurale përkatëse. I arrestuari me vendim gjykate akuzohet për veprat penale “Prodhimi dhe shitja e narkotikëve” dhe “Mbajtja pa leje e armëve”. Ndërkohë, në kuadër të verifikimit të plotë të rrethanave dhe përgjegjësive eventuale, 3 punonjës policie janë pezulluar nga detyra.
Sipas Drejtorisë Vendore të Policisë Vlorë, punonjësit nuk kanë reaguar në momentin kur shtetasi D. S. ka dëmtuar kamerën dhe orenditë në dhomën e ndalimit.
Policia vijon verifikimet për të sqaruar plotësisht rrethanat e incidentit dhe për marrjen e masave përkatëse, në përputhje me ligjin.
Gjithashtu, në bashkëpunim me Drejtorinë e Standardeve Profesionale në Policinë e Shtetit, ka nisur menjëherë procedura disiplinore për tre punonjësit e policisë të pezulluar nga detyra.
