16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Daja i deputetes i dhunoi babain, 34-vjeçarja rrëfen momentet e rënda: Kam përjetuar tmerr nga ish-bashkëshorti
PiranjatPërditësimi i fundit 15 September 2026, 09:13
"Kam përjetuar gjëra të tmerrshme. Kam nevojë për psikolog”.
Kështu është shprehur 34- vjeçarja Merita Grëmaj nga fshati Suk i Roskovecit. Dhuna sistematike e 52- vjeçarit Bledar Bakaj, është kthyer në makthin më të madh për të renë.
Nga spitali i Fierit, babai i saj, 67- vjeçari Enver Grëmaj rrëfen ngjarjen e rëndë tē ndodhur një natë me parë në banesën e tij teksa 52 vjeçari ështē hedhur nga porta dhe e ka qëlluar me drapër në këmbë pasi i moshuari është përpjekur të mbrojë vajzën qe ai tentoi ta rrëmbente.
Enver Grëmi ka tronditur me dëshminë e tij teksa ka treguar se e kishte njohur Bledar Bakajn përmes motrës së tij e cila banon në të njëjtin fshat dhe i kish premtuar se do ta ndihmonte për një vend pune duke qëne se është dhe daja i deputetes Zegjine Caushi.
Pas takimit në Roskovec, 52- vjeçari premtoi se do ta ndihmonte jo vetëm për punësimin e vajzës, por dhe në spital pasi ajo vuan nga anemia dhe alergjia.Në 26 Maj , babë e bije shkuan për vizitë në spitalin e Fierit por ai duke dalë nga dera e pasme e kishte marrë vajzën për në Tiranë , por kish përfunduar e përdhunuar gjatë rruges.
Për 45 ditë thotë Enveri vajza është mbajtur me forcë në banesën e 52 – vjeçarit por nuk kontaktova me te pasi mund të kishte ikur dhe me dëshirë. Por kur është kthyer në banesë u ka treguar prindërve se ështe përdhunuar dhe mbajtur me forcë nga 52- vjeçari. Kërkuam urdhër mbrojtje , por kërcënimet kanë qënë te vazhdueshme thote babai i vajzes.
Policia e Fierit ndërkohë e ka arrestuar 52- vjeçarin menjëherë pas ngjarjes së mbrëmshme afër banesës së tij ne fshatin Mbërs. Ndërsa tre familjaret e shokuar vijojnë të ndodhen në spitalin e Fierit në pritje të drejtësisë.
