Abdul Ballout, 21 vjeçari i cili dyshohet se kreu sulmin terrorist në Berlin, është vrarë këtë të diel, 26 korrik, g...
AKTUALITET
Ish-kryebashkiaku i New Yorkut, Eric Adams mori nënshtetësinë shqiptare, bëhet banor i Njësisë nr.2 në Tiranë!
PiranjatPërditësimi i fundit 14 Prill 2026, 11:17
Ish-kryetari i bashkisë së New Yourk-ut, Eric Adams pasi mori shtetësinë shqiptare është regjistruar si banor i njësisë numër 2 në Tiranë.
Po ashtu, Adams ka aplikuar edhe për t’u pajisur me mjet identifikimi, pasaportë dhe kartë identiteti.
Me anë të një postimi në rrjetet sociale, kreu i Njësisë Administrative numër 2, Florian Pullazi ka ndarë disa foto të ish kryebashkiakut të New Yorkut.
Adams ka deklaruar se marrja e shtetësisë shqiptare është edhe reflektim i lidhjes së gjatë dhe të thellë mes qytetit të Nju-Jorkut dhe komunitetit shqiptar në SHBA.
“Eric Adams, banori më i ri i njësisë nr. 2 në Tiranë! Me kënaqësi mikprita sot në ambientet e njësisë administrative nr. 2 në Tiranë, ish-kryetarin e bashkisë së Nju-Jorkut dhe ish-senatorin e njohur, Eric Adams.
Eric Adams është një mik i madh i shqiptarëve – sot, shqiptar me pasaportë – përveçse një politikan i njohur për fokusin tek çështjet e sigurisë publike, si ish-kapiten i Departamentit të Policisë së Nju-Jorkut.
Siç e thotë edhe vetë ai, marrja e shtetësisë shqiptare është edhe reflektim i lidhjes së gjatë dhe të thellë mes qytetit të Nju-Jorkut dhe komunitetit shqiptar në SHBA. Kënaqësi që, nga sot, e kemi banor të njësisë nr. 2 në kryeqytet”, Florian Pullazi.
