Për arsye sigurie, takimi i Ramës me drejtuesit politikë dhe ministrat, i njoftuar se do të zhvillohej në selinë e PS-së, n...
AKTUALITET
"Ishte njeri që kishte krijuar varësi ndaj kokainës"/ Dënohet 29 vjeçari shqiptar në Angli, pritet ekstradimi drejt vendit tonë
PiranjatPërditësimi i fundit 28 Gusht 2026, 13:23
Mirand Alla, është emri i 29-vjeçarit që u arrestua pranë shtëpisë së tij në Shelton të Anglisë më 5 mars. Sipas informacioneve paraprake, gjatë kontrollit që policia kreu ndaj e tij gjeti 5.8 gramë kokainë të ndarë në 13 qese, ndërsa në banesën e tij u gjetën 7.2 gramë kanabisi.
Sipas raportimeve nga mediat e huaja, mesazhet e kapura në telefonin e tij dëshmuan se ai përfhihej në shpërndarjen dhe furnizim e të dyja llojeve të drogës, gjë e cila fillonte nga 24 janari dhe deri në ditën e arrestimit. Alla është dënuar me 44 muaj burg nga Gjykata e Kurorës në Stoke-on-Trent. Pas vuajtjes së gjysmës së dënimit, ai do të dëbohet automatikisht në Shqipëri.
Prokurorja Manizja Latifi tha se policia e kishte parë të pandehurin duke drejtuar një Volksëagen Golf gri në Stoke-on-Trent më 4 mars. Pak para mesditës së 5 marsit, policët panë shqiptarin dhe partneren e tij duke dalë nga banesa e tyre në Cauldon Road, Shelton, dhe duke ecur drejt makinës së tij, e cila ishte parkuar në një rrugë aty pranë.
“Ata u ndaluan. I pandehuri u arrestua. Në momentin e arrestimit, ai i tha oficerit: ‘Kam drogë në xhepin tim të majtë. Nuk është e imja’. Gjatë kontrollit personal iu gjetën dy enë që përmbanin nëntë qese të veçanta me kokainë, pesë qese në njërën enë dhe katër në tjetrën. Gjithashtu u gjetën edhe katër qese të tjera plastike, 40 paund në para dhe një telefon Samsung. Gjatë kontrollit të banesës u gjetën tre enë me kanabis, qese të vogla plastike dhe tre palë peshore elektronike, ku në njërën prej tyre kishte gjurmë kokaine. Në total, policia sekuestroi 5,8 gramë kokainë në 13 qese dhe 7,2 gramë kanabis.” ,tha prokurorja.
Alla u deklarua fajtor për posedim të një droge të klasës A me qëllim furnizimin dhe shpërndarjen e saj dhe për posedim të një droge të klasës B me qëllim furnizimin dhe shpërndarjen. Avokati Paul Cliff, duke paraqitur rrethana lehtësuese, tha se Alla e pranonte se dënimi i tij do të përcaktohej mbi bazën se duhet të kishte pasur një përfitim financiar nga veprimtaria.
“Ai ishte një njeri që deri në muajin mars kishte zhvilluar varësi ndaj kokainës dhe po e shpërndante atë për të siguruar dhe paguar përdorimin e tij të drogës. Ai është i turpëruar nga sjellja e tij dhe i kërkon falje gjykatës. Ai e pranon se do të kthehet në Shqipëri në përfundim të periudhës së burgimit. Ai e di se do të kthehet me turp. Ai ende ka familje atje. Ka fëmijë në Shqipëri. Ai është i vetëdijshëm se u ka sjellë njëfarë turpi edhe këtyre familjarëve.”, tha avokati.
“Drogat ua shkatërrojnë jetën njerëzve. Ato çojnë në varësi, e cila nga ana e saj sjell lloj-lloj problemesh të tjera, përfshirë probleme të shëndetit fizik dhe mendor, humbjen e punës, mungesën e strehimit dhe kryerjen e krimeve si për të financuar varësinë, ashtu edhe si pasojë e përdorimit të drogës. E pranoj se kishe varësi ndaj drogës dhe borxh për drogë. Por përfshirja jote në furnizimin e të tjerëve me drogë e vazhdoi atë cikël dëmi ndaj njerëzve të tjerë dhe ndaj shoqërisë.”, tha Gjykatësi Graeme Smith.
