Është publikuar fotoja e të burgosurit shqiptar 41-vjeçar, i cili u arratis mbrëmjen e së premtes gjatë transferimit nga ...
AKTUALITET
Iu vendos sot tritol në portën e banesës, Mariglen Lala është me të shkuar kriminale
Piranjat NewsPërditësimi i fundit 12 Shtator 2026, 11:39
Mariglen Lalës që iu vendos tritol mëngjesin e sotëm rezulton person me precedente kriminale, i akuzuar dhe burgosur për grabitje.
Ai u arrestua në vitin 2023 së bashku me Ervis Myrtajn në operacionin “Storm” për grabitje në dyqane e biznese. Lënda plasëse u vendos në portën e banesës së tij në Bathore dhe shkaktoi vetëm dëme materiale.
Burime nga Policia e Shtetit konfirmojnë për Piranjat News se Mariglen Lala, i cili në vitin 2023 u arrestua së bashku me Ervis Myrtajn (37 vjeç) në operacionin policor të koduar “Storm” për grabitje në dyqane dhe biznese, është bërë objekt i një akti me lëndë plasëse.
Më datë 12 shtator 2026, rreth orës 03:35, në rrugën “Rozafa” në Bathore të Kamzës, ka shpërthyer një sasi e vogël lënde e dyshuar plasëse e vendosur në portën e banesës së shtetasit Mariglen Lala, rreth 36 vjeç. Nga shpërthimi janë shkaktuar vetëm dëme materiale.
Hetuesit besojnë se lënda plasëse është vendosur për ta paralajmëruar, pavarësisht se motivet ende janë të paqarta. Në të njëjtin operacion “Storm” u shpall në kërkim edhe një bashkëpunëtor i tyre.
Grupi hetimor vijon punën për zbardhjen e rrethanave të rastit, identifikimin dhe kapjen e autorit/autorëve.
