'Ju thaftë dora nëse votoni më PS-në!' Shpërthen aktorja Egla Ceno: Shkrini teserat e asaj partie, siç po shkrin Poliçanin

Qindra banorë të Poliçanit janë mbledhur në sheshin përpara Qendrës Kulturore për të protestuar kundër planit të Edi Ramës për shkrirjen e bashkisë së tyre në kuadër të Reformës Territoriale 2.0.

Protestuesit thërrisnin: Mos prekni Poliçanin! Mos prekni Poliçanin. Edhe aktorja Egla Ceno, vajzë e kësaj qyteze që iu bashkua protetsës u kujtoi banorëve se partia që ata votonin prej 20 vitesh në masë po e ‘fshinte’ bashkinë nga harta. Ky është Poliçani që për 20 vjet e më shumë votoi në masë PS-në, por ju thaftë dora nëse një votë e vetme shkon akoma për atë parti nëse Poliçani shkrihet’ tha aktorja.

“Uzinën e armëve ku prindërit e mi e prindërit tuaj kanë lënë thonjt, djersën e gjakun. Ajo uzinë është ruajtur dhe pret vetëm të nisë punë. E ja ku bëhet ekonomia, nis prodhimi.

Ky është Poliçani që për 20 vjet e më shumë votoi në masë PS-në, por ju thaftë dora nëse një votë e vetme shkon akoma për atë parti nëse Poliçani shkrihet.

Jo vetëm Poliçani. Dimali ku është? U  ngrit Prrenjasi. Po e shtypin dhe të gjitha qytezat e tjera do të shkrihen dhe nuk kanë zë. Edhe ata votues nën masë të kësaj partie që tani nuk i dëgjon më.

Mos prekni Poliçanin! Mos prekni Poliçanin.

Unë jam gocë Poliçani. Kam zemër dhe nuk kam frikë” tha ajo

Banorët dogjën teserat e Partisë Socialiste, duke theksuar se ‘reforma do të sjellë shpopullim’

“T'i shkrijmë siç po na shkrijnë neve. Të vijnë të na dëgjojnë dhe pastaj flasim. Shkrijini teserat e partisë. Këtu ka njerëz” tha Egla Ceno.