“Kam 5 vjet që luftoj nëpër gjykata e prokurori”/ Protestuesja: Nuk më dalin lekët as për ilaçe

TIRANË- Një protestuese e cila ka folur në protestën e ditës së sotme, u shpreh se ka pesë vite që rendet pas gjykatave dhe prokurorive për një çështje pronësie. Gjatë fjalës së saj para qytetarëve, e moshuara u shpreh se shteti nuk po u garanton qytetarëve asnjë të drejtë.

Mes lotësh protestuesja foli edhe për pensionet, për të cilin tha se të ardhurat që merr nga ai nuk i dalin as për ilaçe. Në fund, ajo bëri thirrje për dorëheqjen e kryeministrit Edi Rama.

“Kam 5 vjet që luftoj nëpër gjykata e prokurori. E kam pronën me certifikatë dhe nuk ma jep gjykata. Shkoj dhe na përdorin si kafshë. Ky shteti i jonë, nuk na mbron
O popull i nderuar, të heqim këtë shtet që nuk na jep asnjë të drejtë. Populli vuan si qeni. Nuk më dalin lekët për ilaçe, kam bërë tre operacione, në zemër e mëlçi.
Jam në gjyqe, në polici, gjykata, ndaj kërkoj dorëheqje”, tha ajo mes lotësh.