Kamionit me gurë i bie ngarkesa në autostradën Tiranë-Elbasan

Një incident ka ndodhur pak minuta më parë në autostradën e Elbasanit.

Sipas një qytetari që ka kontaktuar redaksinë, një kamioni i janë derdhur gurët në rrugë, duke krijuar rrezik serioz për qarkullimin e automjeteve.

Për pasojë, segmenti paraqitet i rrezikshëm për drejtuesit e mjeteve, të cilëve u rekomandohet të ulin shpejtësinë dhe të tregojnë kujdes të shtuar.

Ende nuk ka informacione zyrtare lidhur me ngjarjen, ndërsa pritet reagimi i autoriteteve për pastrimin e rrugës dhe normalizimin e trafikut.