Karabinierët kanë identifikuar dhe arrestuar autorët e dyshuar të vrasjes së shqiptarit Ferdinant Hoti, 35 vjeç, pa vendbanim t&...
AKTUALITET
"Kemi vendosur bombë", disa institucione marrin emaile kërcënuese, reagon Policia e Shtetit
PiranjatPërditësimi i fundit 27 August 2026, 10:00
Mëngjesin e sotëm, një e-mail me përmbajtje kërcënuese dhe terroriste është dërguar në adresat elektronike të disa institucioneve në disa qytete të vendit. Në mesazh pretendohej se në këto institucione ishte vendosur një bombë. Policia e Shtetit nisi menjëherë verifikimet dhe deri tani nuk ka gjetur asnjë eksploziv.
Njoftimi i plotë i Policisë së Shtetit:
“Mëngjesin e sotëm, në adresat elektronike të disa institucioneve në disa qytete të vendit, është dërguar një e-mail nga një adresë ende e paidentifikuar, me përmbajtje kërcënuese dhe terroriste, në të cilin pretendohet se në këto institucione është vendosur një bombë.
Menjëherë pas marrjes së këtij informacioni, strukturat e Policisë së Shtetit po kryejnë të gjitha verifikimet e nevojshme në institucionet e përfshira në këtë kërcënim. Nga kontrollet e kryera deri tani, nuk ka rezultuar të jetë vendosur bombë apo ndonjë lloj tjetër eksplozivi.
Ndërkohë, Drejtoria për Hetimin e Krimeve Kibernetike, në bashkëpunim me Drejtorinë e Antiterrorit dhe agjenci të tjera ligjzbatuese, vijojnë punën intensive për identifikimin e autorit dhe të adresës elektronike nga e cila janë dërguar këto kërcënime.
Policia e Shtetit siguron qytetarët se nuk ka vend për panik dhe se strukturat e saj janë të angazhuara maksimalisht për garantimin e rendit dhe sigurisë publike, si dhe për parandalimin dhe goditjen e paligjshmërive.”
Policia vazhdon hetimet për të identifikuar autorin e kërcënimit.
Pas arrestimit, SPAK ka sekuestruar edhe automjetin luksoz të biznesmenit Ergys Agasi, një Land Rover Defender, i cili dyshohet se ishte mbajtur i f...
