Masat e sigurisë janë shtuar ndjeshëm këtë të hënë përpara godinës së Kuvendit të Shqipëris&e...
AKTUALITET
Kokaina në Frakull/ SPAK bën të penduar dy ''kokat'' e dosjes, pritet ‘zbërthimi’ i grupit
PiranjatPërditësimi i fundit 13 Prill 2026, 12:11
Prokuroria e Posaçme Antikorrupsion (SPAK) ka mundur të sigurojë bashkëpunimin e dy të arrestuarve, në lidhje me laboratorin e kokainës të zbuluar në Frakull, të cilët kanë pranuar të bëhen “të penduar”.
Sipas raportimeve në media, dy personat që kanë vendosur të bashkëpunojnë me drejtësinë janë persona të dënuar më herët, ndërsa një prej tyre është me shtetësi shqiptare dhe një i huaj.
Ata pritet të japin dëshmi të detajuara mbi aktivitetin e dyshuar kriminal dhe rrjetin e personave të përfshirë.
Hetuesit po verifikojnë deklarimet e tyre, ndërsa pritet që “zbërthimi” i plotë i grupit të çojë në identifikimin dhe ndjekjen penale të personave të tjerë të përfshirë në këtë rrjet.
Kujtojmë se në 6 mars, SPAK njoftoi edhe 5 masa arresti të tjera të miratuara nga GJKKO-ja, “arrest me burg”, prej të cilave 3 u ekzekutuan dhe 2 persona u shpallën në kërkim.
Mësohet se të akuzuarit janë; Kevin (Arjan) Margjoni, Durim Keçi, Klevent Gjolena, Aldi Zonja dhe Musa Gjikola.
Dy të parët, Margjoni dhe Keçi, janë shpallur në kërkim, kurse të tjerët janë të ndaluar.
SPAK tha se të pestë akuzohen për një tjetër episod trafiku në kuadër të organizatës kriminale me 15 persona, 10 prej të cilëve të dënuar më parë nga GJKKO.
Për këtë episod trafikimi janë dënuar tashmë 10 shtetas shqiptarë: Nikolin Gjolena, Viktor Çervanaku, Denilson Çervanaku, Klajdi Vrioni (alias Klajdi Kodra), Zenel Çervanku, Enxhi Ferhati, Redion Meshi, Julian Malaj, Bledar Matoshi, Marildo Rona dhe kolumbiani Samir Rosales Rodriguez.
