Boksieri shqiptar, Kristian Prenga, u mposht me nokaut në raundin e dytë nga Antoni Xhoshua, në sfidën që u mbajt në Xhedah t&eu...
AKTUALITET
Kokainë në lokalin e natës, dënohet pronari i “Star Club” dhe tre anëtarë të stafit
PiranjatPërditësimi i fundit 14 Maj 2026, 10:32
Janë shpallur fajtorë dhe janë dënuar katër persona të akuzuar për “Prodhim dhe shitje të narkotikëve”, kryer në bashkëpunim.
Sipas njoftimit zyrtar, të dënuarit janë shtetasit E.V., K.I., K.D. dhe R.I., të cilët sipas hetimeve ushtronin aktivitet të organizuar të shpërndarjes së kokainës në lokalin e natës “Star Club”, në qytetin e Dimalit.
Sipas dosjes hetimore, pronari i lokalit, E.V., dyshohet se drejtonte aktivitetin kriminal, duke siguruar dhe shpërndarë doza kokaine për klientët e lokalit.
Droga fshihej në mure, konsumohej në tualet
Lënda narkotike mbahej e fshehur në blloqet e murit rrethues të lokalit dhe shitej në doza nga 0.2 deri në 0.5 gramë, me çmime që varionin nga 2 mijë deri në 5 mijë lekë.
Prokuroria provoi se klientët, pasi konsumonin alkool në ambientet e lokalit, kërkonin edhe kokainë, të cilën më pas e konsumonin në tualetet e klubit.
Në aktivitetin e paligjshëm, E.V. ndihmohej nga truproja e lokalit K.D., menaxheri K.I. dhe kamarieri R.Z., i cili merrte porositë nga klientët dhe i përcillte tek personat që kryenin shitjen e drogës.
Sipas hetimeve, të pandehurit përdornin termin “amaro” si kod për kokainën, në mënyrë që të mos kuptoheshin gjatë komunikimeve për shitjen dhe fitimet nga lënda narkotike.
Për sa më sipër gjykata vendosi:
E.V. u dënua me 12 vite burg, dënim që pas gjykimit të shkurtuar u ul në 8 vite burgim; K.I. u dënua me 7 vite burg, të reduktuara në 4 vite e 8 muaj; K.D. u dënua me 7 vite burg, të reduktuara në 4 vite e 8 muaj; R.I. u dënua me 7 vite burg, të reduktuara në 4 vite e 8 muaj.
