16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Komiteti i Helsinkit letër paraburgimit 313: Kufizimi i takimeve të Metës, shqetësim serioz për respektimin e të drejtave
PiranjatPërditësimi i fundit 10 September 2026, 10:22
Komiteti Shqiptar i Helsinkit (KShH) i është drejtuar me një shkresë IEVP “Jordan Misja”, duke kërkuar informacion lidhur me pretendimet e bëra nga Ilir Meta dhe Tedi Blushi për trajtimin e kreut të Partisë së Lirisë në paraburgim.
Në shkresë, theksohet se organizata ka ndjekur pretendimet e ngritura nga Meta dhe Blushi, përmes të cilave janë bërë akuza për mos lejimin e takimeve të kreut të Partisë së Lirisë me deputetët shqiptarë dhe të PE-së.
KShH i referohet edhe procesit të monitorimi të kryer në këtë institucion, ku ndër të tjera theksohej se kufizimi i takimeve të të paraburgosurve ngre shqetësime serioze për respektimin e të drejtave.
“KShH dëshiron të rikujtojë se kjo çështje është trajtuar edhe më herët në kuadër të monitorimit të kryer në IEVP “Jordan Misja”, si dhe në rekomandimet e adresuara institucionit tuaj nëpërmjet shkresës nr. 151 prot., datë 27.04.2026, ku ndër të tjera është vlerësuar se kufizimi i takimeve të të paraburgosurve me deputetë, ngre shqetësime serioze në raport me respektimin e të drejtave të garantuara nga ligji, veçanërisht nga neni 51 i ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.”, theksohet ne leter.
Komiteti thekson se rikthimi i këtyre pretendimeve për shkelje përbën shqetësim dhe kërkon sqarim.
