Komiteti Shqiptar i Helsinkit reagon pas shoqërimit të protestuesve: Do të zbardhim çdo rast, do të ndiqet rruga institucionale

Kryetarja e Komitetit Shqiptar të Helsinkit, Erdia Skëndaj, ka reaguar pas shoqërimit të protestuesve gjatë tubimit të zhvilluar pranë Parlamentit, duke dënuar mbajtjen e tyre për më shumë se pesë orë në ambientet e Komisariatit Nr.1.

Në një deklaratë për mediat para komisariatit, Skëndaj tha se Komiteti do të ndjekë rastet përmes rrugëve institucionale dhe do të punojë për zbardhjen e çdo rasti të shoqërimit.

“Nuk duhet të mbaheshin kaq gjatë, mbi 5 orë. Ne kemi ngritur zërin. Do të zbardhim çështjet, më vjen mirë që u liruan. Do të ndjekim rrugën institucionale për të gjithë”, tha ajo