Konflikt mes dy vëllezërve në Korçë, njëri plagoset me sëp*të

Një konflikt mes dy vëllezërve ka përfunduar me plagosjen e njërit prej tyre në lagjen 13 të qytetit të Korçës.

Ngjarja ka ndodhur brenda banesës, ku dyshohet se pas një konflikti për motive të dobëta, njëri prej vëllezërve ka goditur me sëpatë të vëllanë.

Pas ngjarjes, autori është larguar nga banesa, por është lokalizuar dhe kapur vetëm pak minuta më vonë nga shërbimet e Komisariatit të Policisë Korçë.

I plagosuri është transportuar në spitalin e qytetit, ku po merr ndihmën e nevojshme mjekësore. Ai ka marrë një plagë në shpatull, por fatmirësisht ndodhet jashtë rrezikut për jetën.

Ndërkohë, autori është shoqëruar në ambientet e Komisariatit të Policisë, ku po kryhen veprimet e mëtejshme për zbardhjen e plotë të rrethanave të ngjarjes.