Konflikti ku u përfshi Denis Tafili/ AMP sekuestron armën e efektivit Leonard Xhamollari, efektivi mohon njohjen me të kërkuarin nga SPAK

Agjencia e Mbikëqyrjes Policore ka sekuestruar armën e zjarrit të një efektivit të policisë në Durrës, i cili dyshohet se është përfshirë në një sherr, pjesë e të cilit u bë pjesë dhe një 41-vjeçar i kërkuar nga SPAK, Denis Tafili.

Mësohet se efektivi ka qenë prezent në lokal kur ka ndodhur sherri, por në deklarimet e tij para agjentëve të AMP-së ka deklaruar se nuk ka lidhje me të kërkuarin e SPAK Denis Tafili.

Edison Gjuzi, i cili u dhunua me qytën e pistoletës nga Tafili, pretendon se ka parë efektivin e policisë disa herë nën shoqërinë e të kërkuarit nga SPAK dhe personit tjetër që e dhunuan. Agjencia e Mbikëqyrjes Policore është duke verifikuar kamerat e sigurisë për të mësuar nëse efektivi ka favorizuar të kërkuarin e SPAK, Denis Tafili.