Ambasada e Shteteve të Bashkuara të Amerikës në Prishtinë ka paralajmëruar qytetarët për protesta të mëdha q...
AKTUALITET
"Kryebashkiaku i Gjirokastrës dhe 18 punonjës të infektuar me SIDA"/ E pëson 33-vjeçari, policia: Përhapi informacion të rremë
PiranjatPërditësimi i fundit 20 Prill 2026, 19:36
Policia e Gjirokastrës ka bërë me dije se ka nisur procedimi penal ndaj një 33-vjeçari i cili përhapi informacion të rremë në rrjetet sociale, për kreun e Bashkisë Gjirokastër dhe punonjësit e kësaj bashkie.
Blutë bëjnë me dije se i riu përballet me akuzën “Përhapja e informatave të rreme që ngjallin panik”, për informacionin se kreuy i bashkisë dhe 18 punonjës rezultonin të infektuar me SIDA.
Njoftimi:
Procedohet penalisht një 33-vjeçar, pasi dyshohet se ka përhapur informacione të rreme në rrjetet sociale, duke shkaktuar panik te qytetarët, me pretendimin se kryetari i bashkisë dhe punonjës të bashkisë janë të infektuar me HIV/AIDS.
Specialistët për Hetimin e Krimeve në Komisariatin e Policisë Gjirokastër referuan materialet në Prokurori, ku nisi procedimi penal për shtetasin E. K., 33 vjeç, banues në Gjirokastër, për veprën penale “Përhapja e informatave të rreme që ngjallin panik”. Në cilësinë e provës materiale u sekuestrua celulari i 33-vjeçarit.
Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
