Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
AKTUALITET
Kush është dëshmitarja që u frikësua nga Belinda Balluku?
PiranjatPërditësimi i fundit 18 December 2025, 12:52
Janë zbuluar detaje të reja nga dosja e SPAK për zv.kryeministren dhe ministren e Infrastrukturës, Belinda Balluku. Belinda Balluku dyshohet se ka intimiduar dhe frikësuar një nga dëshmitarët që ka folur kundër saj para SPAK gjatë kohës së hetimit.
Ajo theksoi se dëshmitarja e frikësuar nga zv.kryeministrja është vartëse e Ballukut dhe se është marrë e pandehur në Tunelin e Llogarasë.
Ndërkohë zhvillohet seanca në Apelin e GJKKO-së ku ministrja e Infrastrukturës dhe dy vartësit e saj, drejtori i ARRSH-së, Gentian Gjyli dhe ai i KESH, Erald Elezi, kanë kërkuar heqjen e masave të sigurisë të caktuara ndaj tyre.
Belinda Balluku nuk është e pranishme, përfaqësohet nga avokatët. Seanca është me dyer të mbyllura. Balluku është e pandehur për tenderin e ndërtimit të Tunelit të Llogarasë, gjithashtu është nën hetim për lotin 4 të Unazës së Tiranës, si edhe për 7 procedura të tjera tenderuese. Ajo akuzohet se ka ndikuar direkt në paracaktimin e kompanive fituese.
Prokurorët pretendojnë se Balluku, për shkak se ushtorin funksioneve të rëndësishme, mund të prishë provat dhe të intimidojë dëshmitarët. Madje në dokumentet që kanë rrjedhur, rezulton se SPAK shkruan “se nga përgjimet telefonike e ambientale, ka siguruar prova e të dhëna që Balluku ka intimiduar ose frikësuar një nga dëshmitarët që ka folur kundër saj para SPAK gjatë kohës së hetimet. Gruaja dyshohet dhe mendohet të jetë frikësuar dhe iu është kërkuar të tërheqë dëshminë para prokurorëve është një nga vartëset e Ballukut dhe po ashtu e pandehur në lidhje me tenderin për Tunelin e Llogarasë.
