"Largohu"/ Alarm në Abaze të Krujës! Shkëputen gurët nga mali, rrezikohet jeta e zjarrfikësve dhe banorëve

Situata me zjarret në zonën e Abazes në Krujë është rënduar ndjeshëm gjatë orëve të fundit. Përveç luftimeve me flakët që po djegin masivin malor, një tjetër rrezik serioz po kërcënon personelin në terren dhe banorët e zonës.

Nga nxehtësia e lartë dhe djegia e bimësisë, nga mali kanë nisur të shkëputen gurë të mëhenj e të rrokullisen me shpejtësi drejt zonave ku po operohet, duke e kthyer situatën në mjaft kritike.

Shkëputja e masiveve groshore po vendos në rrezik direkt si ekipet e emergjencës, ashtu edhe banorët e fshatit që po ndihmojnë në shuarjen e zjarrit.

Përballë këtij rreziku të dyfishtë, zjarrfikësit dhe banorët po bashkëpunojnë ngushtë me njëri-tjetrin për lokalizimin e vatrës, ndërsa në momente paniku dëgjohen thirrjet alarmuese të tyre,"Largohu!" për t'iu shmangur gurëve që bien pa pritmas nga lartësitë.

Pavarësisht terrenit të thyer dhe rrezikut konstant nga gjakat e gurët, efektivat operacionale po vijojnë përpjekjet për mbajtjen e flakëve larg banesave.