Lufta kundër korrupsionit e krimit ndërkombëtar, një delegacion i SPAK vizitë në SHBA

Drejtuesi i Prokurorisë së Posaçme, Klodian Braho dhe disa prokurorë të tjerë kanë zhvilluar një takim në Departamentin amerikan të Drejtësisë.

Sipas një postimi në rrjetin social X, Ndihmës Prokurori i Përgjithshëm A. Tysen Duva dhe programi OPDAT mirëpritën prokurorët dhe hetuesit e SPAK, të kryesuar nga drejtuesi i institucionit, Klodjan Braho. Pjesë e delegacionit, ishte edhe drejtuesi i seksionit kundër Krimit të Organizuar, Vladimir Mara dhe drejtuesja e seksionit kundër Korrupsionit, Dorina Bejko.

SPAK thekson në njoftim, se drejtuesit e institucionit zhvilluan takime me Departamentin e Drejtësisë së SHBA-së, ICITAP, FBI dhe DEA, në funksion të forcimit të bashkëpunimit në luftën kundër krimit të organizuar ndërkombëtar dhe korrupsionit. Nga ana e tij, Departamenti amerikan i drejtësisë, takimi mjaft i rëndësishëm me përfaqësues të SPAK vjen në kuadër të forcimit të bashkëpunimit në luftën kundër krimit të organizuar ndërkombëtar dhe korrupsionit.