Lukovë/ Plazhi me shezlongë pothuajse bosh në kulmin e sezonit turistik

Pamjet e kësaj të shtune nga plazhi i Lukovës tregojnë një situatë të pazakontë për mesin e muajit korrik. Në orët e pikut, kur pritet një fluks i lartë pushuesish, pjesa më e madhe e shezlongëve kanë qenë bosh.

Ndërsa në vitet e kaluara ishte e vështirë të gjeje një vend të lirë, këtë sezon frekuentimi duket dukshëm më i ulët. Mbetet për t'u parë nëse kjo lidhet me lëvizjen e turistëve drejt plazheve të tjera, me çmimet apo me faktorë të tjerë që kanë ndikuar në uljen e numrit të pushuesve.

Pamjet e ditës ngrenë pikëpyetje mbi ecurinë e sezonit turistik në një nga destinacionet më të njohura të bregdetit jugor./piranjat news