Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
AKTUALITET
Mafia shqiptare dhe 'Ndrangheta po përplasen për kontrollin e një vendi të Amerikës Latine
PiranjatPërditësimi i fundit 16 May 2026, 12:12
Një drejtues i lartë policor në Ekuador ka paralajmëruar për praninë në rritje të mafieve të huaja të lidhura me narko-trafikun, përfshirë mafien shqiptare dhe organizatën italiane 'Ndrangheta, të cilat dyshohet se po veprojnë në aleancë me rrjete kriminale lokale.
Sipas kolonelit Renato González, këto struktura përdorin provincën El Oro si një pikë strategjike për trafikun ndërkombëtar të drogës, duke përfituar nga pozicioni i saj dhe dalja detare, si dhe nga mekanizmat e pastrimit të parave përmes kompanive dhe sistemit financiar.
Raporti lidh gjithashtu aktivitetin kriminal me organizata të tjera si karteli i Sinaloas dhe grupe të armatosura nga Kolumbia, të cilat lehtësojnë rrjedhën e drogës drejt Ekuadorit.
Për më tepër, prania e mafies shqiptare është konfirmuar pas operacioneve të fundit policore.
Paralelisht, shefi i policisë paralajmëroi për fragmentimin e bandave lokale si Los Lobos, gjë që ka intensifikuar dhunën, ndërsa vendi po përballet me një konflikt të brendshëm të armatosur dhe me kërcënime të reja si përdorimi i teknologjisë së avancuar në sulmet kriminale.
