Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
AKTUALITET
“Makina e autorëve kishte GPS”, eksperti zbulon detaje nga atentati me dy viktima në Lezhë
PiranjatPërditësimi i fundit 28 April 2026, 22:54
Profesori i Kriminalistikës Ervin Karamuço tregoi detaje të forta nga atentati ndaj çiftit të bashkëshortëve Kreshnik dhe Gentjana Mujeci 2 ditë më parë në Balldren të Lezhës.
Karamuço zbuloi se automjeti i përdorur nga autorët, që ishte marrë me qira në Rinas, ishte i pajisur me GPS, gjë që ka ndihmuar policinë në gjurmimin e autorëve dhe më tej në gjetjen e profileve të ADN-së dhe provave të tjera.
“Mund të shtohet numri në hetimet në vijim, njëra prej makinave ishte marrë me qira në Rinas dhe kishte edhe GPS, edhe pse ishin munduar ta çaktivizonin, janë gjetur profilet e ADN-së, pajisje brenda që përbëjnë prova për hetimet. Dy prej tyre kanë qenë shoqërues.
Ai që ka shtënë ka qenë në kërkim për një tentativë tjetër vrasjeje në Shkodër. Ka pasur versione nëse e dinin që e ka pasur gruan në makinë, pasi Audi i viktimës ka qenë me xhama të zinj.
Nga ndjekja në disa prej akseve rrugore në qytet duhet ta kenë ditur, por nuk e kanë shmangur dot, arma ishte shumë e fuqishme. Janë hapur 2 gjaqe, po folëm me këtë neokanunin, do kërkojë hakmarrje edhe familja e gruas.
Kjo na e shton numrin e atyre 306 familjeve të ngujuara në Lezhë dhe në risk të lartë për t’u përplasur për vdekje, kjo hap një sagë tjetër ku pritet të ketë sërish përplasje. Autorët e kanë pasur edhe si provokim faktin që autori ekspozohej shumë publikisht”, tha Karamuço.
