Mashtrimet për vizat, Ministria e Jashtme paralajmëron qytetarët

Ministria Jashtme paralajmëron qytetarët për një faqe mashtruese që ofron informacion për vizat shqiptare. Faqja e rreme është nën linkun: https://evisia-al.com/albaniavisaenquirylive/, e cila kopjon pamjen dhe informacionin e faqes zyrtare.

Ministria sqaron se faqja e vetme e autorizuar për aplikime për vizë elektronike është: https://e-visa.al/ dhe u kërkon qytetarëve të përdorin vetëm këtë burim për të shmangur mashtrimet.

Autoritetet kibernetike dhe ligjzbatuese po punojnë për bllokimin e faqes dhe ndjekjen e përgjegjësve sipas ligjit.

Ndërkaq, ministria vazhdon të monitorojë situatën dhe do të marrë të gjitha masat e nevojshme për të mbrojtur qytetarët dhe aplikantët.