Monologu i gazetares së Piranjave Edona Gashi, bijës së dëshmorit të UÇK-së, ka ngjallur reagime të shumta në r...
AKTUALITET
"Më 8 tetor tek Kuvendi", protestuesi thirrje qytetarëve: S’do lejojmë Edi Ramën të shkrijë bashkitë
PiranjatPërditësimi i fundit 19 Shtator 2026, 21:18
Një prej protestuesve u ka bërë thirrje të gjithë shqiptarëve që më 8 tetor të jenë para parlamentit për të mos lejuar deputetët e Kuvendit të votojnë hartën territoriale të propozuar nga maxhoranca e cila parashikon shkrirjen e 15 bashkive.
Ai ftoi dhe qytetarët e bashkive që janë parashikuar për tu shkrirë të vijnë të protestojnë për ta bërë fundin e Ramës sa më të afërt.
“Jemi njoftuar se në datën 8 tetor pritet të votohet harta e re territoriale që qeveria e Edi Ramës ka propozuar. I bëj thirrje çdo shqiptari që në datën 8 tetor nëse plani i qeverisë nuk do të ndryshojë do të mblidhemi para kuvendit që të mos lejojmë qeverinë e Edi Ramës të shkrijë bashkitë.
I bëj thirrje banorëve nga bashkive e vogla që janë parashikuar të shkrihen, Divjaka, Memaliaj, Prrenjas, Klos e shumë bashki të tjera që janë pjesë e këtij plani të qeverisë që në 8 tetor jemi në kuvend që të mos lejojmë këta deputetë të votojnë kundër vullnetit popullor për të ndryshuar hartën administrative të Shqipërisë.
Sa më e madhe të jetë rezistenca jonë, aq më e afërt do të jetë fundi i Edi Ramës," tha protestuesi.
