16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
“Me ç’fytyrë pushtetit i ngjitesh?”/ Protestuesit ironizojnë Ramën me pankarta në ditën e 108-të
PiranjatPërditësimi i fundit 15 September 2026, 20:10
Protesta e 108-të kundër qeverisë së Edi Ramës është shoqëruar edhe këtë herë me pankarta me mesazhe ironike dhe kritika ndaj qeverisë, kryeministrit dhe zhvillimeve të fundit politike në vend. Një prej tyre i drejtohet drejtpërdrejt kryeministrit Edi Rama, duke e lidhur situatën e tij me atë të ish-zv/kryeministres Belinda Balluku.
“Rama jashtë – problem me shqiptarët. Balluku në Tiranë – problem me qytetarët. Kur popullit i fshihesh, me ç’fytyrë pushtetit i ngjitesh?”, shkruhet në pankartë.
Ndërkohë, protestuesit kanë ironizuar edhe përpjekjet për të kufizuar apo penguar transmetimin e mesazheve të tyre në rrjetet sociale.
“108 na bllokon online. Na gjen në shesh”, thuhet në një tjetër pankartë të shfaqur gjatë tubimit.
Kritikat janë drejtuar edhe ndaj sistemit të drejtësisë dhe debatit të fundit për pagat e magjistratëve. Një prej pankartave krahason vëmendjen që i kushtohet pagave të gjyqtarëve me akuzat dhe skandalet që protestuesit ia atribuojnë qeverisë.
“Pagat e gjyqtarëve – shfaqje e qëllimshme, skandalet e Ramës – heshtje e dhimbshme!”, shkruhet në të.
Pankartat janë kthyer kështu në një tjetër formë komunikimi të protestuesve, të cilët në ditën e 108-të të qëndresës kanë përcjellë përmes tyre mesazhe kundër qeverisë dhe zhvillimeve politike në vend.
