“Katër javë pa analiza”/ Qytetarja nga Shkodra ngre shqetësimin: Laboratori shtetëror i mbyllur deri më 1 shtator

Një qytetare ka denoncuar në Piranjat News një situatë që, sipas saj, e ka hasur pas një vizite te dermatologu në Poliklinikën e Shkodrës.

Ajo pretendon se mjeku i ka kërkuar të kryejë një analizë mykotike, por kur është drejtuar te laboratori shtetëror, i është komunikuar se laboratori nuk kryen analiza deri më 1 shtator, për shkak të pushimeve.

Denoncuesja shprehet e shqetësuar pasi, sipas saj, kjo do të thotë se duhet të presë disa javë për të kryer analizën dhe për të vijuar me trajtimin e vajzës saj.

“Doktori dermatolog te Poliklinika e Shkodrës më tha ti bëja vajzës një analizë mykotike, por laboratori shtetëror kishte njoftim se deri më 1 shtator është pushim”, pretendon qytetarja.

Piranjat News e përcjell këtë rast si denoncim të qytetares dhe do të kërkojë verifikim dhe një përgjigje nga institucionet përgjegjëse për situatën e laboratorit shtetëror në Shkodër./Piranjat News