Media spanjolle sulmon Argjentinën pas finales: Nuk e pranuan humbjen me dinjitet

Fitorja e Spanjës në Kupën e Botës vazhdon të jetë në qendër të vëmendjes, jo vetëm për suksesin në fushë, por edhe për polemikat që kanë pasuar ceremoninë e ndarjes së medaljeve. E përditshmja spanjolle Marca ka kritikuar ashpër kombëtaren e Argjentinës, duke pretenduar se disa prej lojtarëve të saj u kthyen me shpinë gjatë festimeve të Spanjës në podium.

Në editorialin e saj, gazeta e cilëson këtë veprim si "një spektakël të turpshëm" dhe shkruan se "Argjentina, larg pranimit të humbjes, vazhdoi të shfaqte një sjellje të papranueshme". Sipas Marca, zhgënjimi pas humbjes mund të kuptohet, por sjellje të tilla tejkalojnë kufijtë e sportivitetit.

Media spanjolle e përshkruan episodin si "një nga skenat më të shëmtuara të parë ndonjëherë në historinë e Kupës së Botës", duke theksuar se e gjithë bota përgëzoi Spanjën për triumfin dhe futbollin e treguar, ndërsa Argjentina, sipas saj, nuk e pranoi humbjen me dinjitet.

Deri më tani, nuk ka pasur një reagim zyrtar nga Federata Argjentinase e Futbollit apo nga përfaqësuesit e kombëtares lidhur me këto pretendime.