Gazetarja Klodiana Lala, foli për ecurinë e hetimeve ndaj Belinda Ballukut, afatet ligjore dhe dyshimet për tendera me vlerë mbi 1 miliard e...
Jo vetëm Timak Defence, por Edi Rama ka firmosur edhe ngritjen, bashkëpunimin dhe financimin e një tjetër kompanie sërish në pron&...
Miliona euro të dala nga xhepat e shqiptarëve, kanë shkuar pa tendera dhe pa garë në xhepat e Ron Yeffet, mikut të Edi Ramës....
Ligjvënësit republikanë i kërkojnë Rubios të shqyrtojë kufizimet e vizave për zyrtarët e korruptuar, ndërsa S...
Protesta studentore në kryeqytet ka shënuar sot ditën e saj të 16-të. Edhe sot studentët kanë marshuar në kryeqytet me ...
Protesta e studentëve vijon edhe këtë të martë në Tiranë, ku pjesëmarrësit kanë marshuar në disa nga rru...
Autoriteti tatimor i Hungarisë ka bastisur disa lokacione dhe ka bërë arrestime. Bastisjet erdhën pas një raporti të 25 gushtit t&...
Kreu i Grupit Parlamentar të PD, Gazment Bardhi ka reaguar ashpër pas vendimit të SPAK për t’i komunikuar ish zëvendëskryem...
Ambasadori i OSBE-së në Shqipëri, Michel Tarran, ka reaguar lidhur me protestat e dhunshme të zhvilluara në Tiranë dhe qytete t&e...
Studentët që prej ditësh janë përfshirë në protestat kundër qeverisë kanë vijuar lëvizjen në ambien...
Abuzimet në këtë vendin tonë të vogël s’kanë të sosur, pasi çdo ditë zyrtarët shtetërorë vetëm përfitojnë nga fatkeqësitë, duke mbrojtur me fanatizëm shkaktarët e tyre. Rasti i radhës vjen nga drejtori i Autoritetit Rrugor Shqiptar, Ami Kozeli, i cili me këto veprime duket se do të ketë të njëjtin fat si paraardhësit e tij, Gentian Gjyli dhe Evis Berberi, i pari po hetohet e gjykohet me masën e sigurisë arrest në shtëpi dhe i dytë me masën arrest me burg.
Ende pa u përfunduar hetimi penal për shkaktarët e izolimit të juglindjes së Shqipërisë, për shkak të rrëshqitjes në Librazhd, Ami Kozeli ka hapur një tender të stërmadh, vetëm e vetëm për të stabilizuar ato rrëshqitje. Një faturë prej 21 milionë eurosh do të përdoret nga ARRSH për të segment, ndërsa nuk dihet nëse organet ligjzbatuese apo ato kontrolluese kanë apo jo shkaktar për ato rrëshqitje.
Në fakt, një firmë e projektoi ndërtimin e rrugës së re, një tjetër e ndërtoi dhe vetë Ami Kozeli kontrollonte letrat. Këtë faturë duhet ta paguajë firma projektuese e aksit, ajo që po e ndërton apo edhe ata që e mbikëqyrnin, apo zyrtarët që vetëm sa ngrohin karriget dhe firmosin çfarë u servirin eprorët. Por, skandali thellohet më tej për shkak se të gjitha institucionet kanë mbyllur sytë dhe mundohen ta heqin përgjegjësinë nga vetja, duke hapur tenderin e radhës, që vetëm rëndon buxhetin dhe fut dorën thellë në taksat e shqiptarëve të varfër.
Në vend që të ketë të akuzuar, të dalin para gjyqit, apo t’u sekuestrohet pasuria, ARRSH i vendos kapakun një prej skandaleve më të mëdha të ndodhura kohët e fundit, pasi rrëshqitja jo vetëm izoloi një krahinë të tërë, rëndoi xhepat e tyre, por tani vijon të “hajë” taksat e atyre banorëve.
Duket se, Ami Kozeli po mundon të mbulojë këtë skandal, duke hapur me shpejtësi tenderin për stabilizimin e atyre rrëshqitjeve. Në fakt, vlera e tenderit është edhe dëmi që vetë Kozeli, apo të tjerë, kanë abuzuar me detyrën. Nëse Kozeli, Gjyli apo Berberi, do ta kishin projektuar, ndërtuar, mbikëqyrur mirë procedurën, atëherë buxheti i shtetit s’do të ishte detyruar të shpenzonte këtë shumë për këto rrëshqitje. Fjalët e Kozelit se “toka është ngopur me ujë”, apo zyrtarëve të tjerë se “fajin e ka shiu, natyra”, po gjejnë zbatim, pasi edhe Prokuroria e Elbasanit ende nuk ka dalë në përfundimin nëse kishte apo jo fajtor.
Fajtori dihet, letrat janë aty dhe mjafton që të hapen, analizohen apo kryqëzohen, dhe fajtorët dalin në pah. Aq më tepër tani, që të njëjtët fajtorë po mundohen ta mbulojnë atë që s’thuhet me tenderin e radhës. Sipas dokumenteve që disponon Vox News, ARRSH ka gati tenderin me objekt “stabilizimi i rrëshqitjes në aksin Librazhd - Qafë Thanë, (Dragostunjë)”. Fondi limit është plot 2,041,666,670 lekë, ose mbi 21 milionë euro. Bëhet fjalë për punime rrugore, në të gjithë gjatësinë e rrëshqitjeve.
Disa javë më parë, Vox News publikoi një investigim se Agim Kola që shkaktoi shembjen në Librazhd fiton tenderin e rrëshqitjeve. “Tenderi i hapur me urgjencë nga Autoriteti Rrugor Shqiptar për situatën e rrëshqitjeve në Librazhd është fituar nga e njëjta firmë që shkaktoi bllokimin për disa ditë të një krahine të tërë. Kompania A. N. K. me pronar Agim Kolën po ndërton rrugën e re, ndërkohë që punimet shkaktuan shembje. Dhe, për ironi të fatit, Agimi ka fituar sërish para’ nga e gjithë ajo situatë”, do të shkruante redaksia jonë.
Dokumentet që hulumtoi në atë kohë Vox News tregojnë se, i gjithë procesi duket se ka qenë i paracaktuar, pasi drejtuesit e rinj të Autoritetit Rrugor Shqiptar, tashmë të drejtuar nga Ami Kozeli, kanë bërë negocime me firmën e Kolës që të hidhte disa makina me inerte në vendin e shembjes. Por, a nuk është nën hetim kjo kompani për këto shembje? A ka një procedim të hapur nga Prokuroria e Elbasanit për të gjithë situatën?
Një nga kompanitë që po hetohet apo duhet të hetohet është padyshim A. N. K, e cila ka fituar tenderin e madh, ndërkohë që nuk mbetet pas as firma projektuese apo edhe vetë drejtuesit e ARRSH-së. Të gjithë janë përgjegjës për situatën e krijuar, ku mijëra banorë mbetën të bllokuar për disa dite dhe për të udhëtuar në drejtim të Tiranës apo qyteteve të tjera, u duhej të bënin qindra kilometra më shumë. Por nëse deri në atë kohë s’ka pasur dëm ekonomik, po tenderi i riparimeve me emergjencë a nuk është një dëm në arkat e shtetit?
Kola fitoi tenderin “emergjencë, masa parandaluese mbi rrëshqitjen në zonën e quajtur ‘Ligata e Bicit’, Dragostunjë”, me një fond limit prej 93,702,755 lekë, pa TVSH. Kohëzgjatja e kontratës për zbatimin e saj është 2 muaj e 14 ditë.
Vox News ka ndjekur në vijimësi tenderat e këtij aksi, teksa ka publikuar një investigim për shkaktarët e shembjes së rrugës në Dragostunjë. Në fund të vitit 2023, pasi më parë ishte bërë projektimi me raportet përkatëse, Autoriteti Rrugor Shqiptar, i cili në atë kohë drejtohej nga Evis Berberi, aktualisht i arrestuar për abuzime të tjera, si në ARRSH apo në KESH, shpalli firmën fituese që do të ndërtonte lotin e katër të atij segmenti.
Fitues u shpall kompania “A. N. K.”, e cila fitoi tenderin me vlerë 2.5 miliardë lekë, ose me këmbimin e sotëm valutor, mbi 25 milionë euro. Kohëzgjatja e punimeve është 24 muaj, teksa lidhja e kontratës u bë në vitin 2024. Aktualisht, pronari me letra i firmës ANK, e cila fitoi gjithashtu të gjitha tenderët e ndërtimit të segmentit Korçë – Ersekë, është Agim Kola, vëllai i ish-deputetit të PS-së Ndue Kola.
Duket se, edhe procedura e radhës, e hapur së fundmi me një vlerë prej 21 milionë eurosh, është e destinuar të shkojë për Agim Kolën. Nuk përjashtohet që fitues të dalë edhe firma 2T, e cila është mjaft aktive në atë zonë./VOX
Ambasadori britanik në Tiranë, Nicholas Abbott deklaroi në një intervistë se krimi shqiptar ka arritur të krijojnë terren n...
Gjykata e Apelit ka refuzuar kërkesën e Gjon Shkambit për zëvendësimin e masës së sigurisë, duke vendosur që ai t...
Në tetor 2017, Kreshnik Mujeci, i dyshuar si shënjestra e atentatit të së dielës në Balldre, u arrestua si një nga autor&eu...
Kreshnik Mujeci dhe bashkëshortja e tij, Gentjana Mujeci, u ekzekutuan sot në një atentat me armë zjarri në Lezhë, teksa po udh&...
Një aksident me pasojë vdekjen është regjistruar këtë të diel, në Tiranë, tek Ura e Çerkezës. Sipas ...
Personat që shikoni në foton e mësipërme, janë Kreshnik dhe Gentjana Mujeci, të cilët u ekzekutuan me armë zjarri pasd...
31-vjeçari Cole Tomas Allen është identifikuar si autori i dyshuar i sulmit me armë gjatë darkës së Shoqatës së...
Kreshnik Mujeci, i cili mbeti i vrarë sot së bashku me bashkëshorten e tij, gjatë një atentati në Balldren të Lezhës, ...
Detaje të reja kanë dalë në dritë nga atentati i regjistruar këtë të diel, në Balldren të Lezhës, ku u ...
Një atentat i rëndë është shënuar sot në zonën e Balldrenit të Lezhës, ku një automjet tip Audi Q7 u q&...
