Mëngjes kaotik në Fier, drejtuesit e makinave përballen me kolona kilometrike

Trafiku është rënduar ndjeshëm mëngjesin e kësaj të hëne në aksin rrugor Patos–Fier, ku qindra automjete kanë mbetur të bllokuara në radhë të gjata.

Sipas informacioneve, kolona e mjeteve që lëvizin drejt Fierit arrin në rreth 4 kilometra, duke nisur nga zona pranë Portëzës dhe duke vijuar deri në hyrje të qytetit. Fluksi i lartë i automjeteve ka shkaktuar lëvizje të ngadalta dhe vonesa për drejtuesit e mjeteve.

Në zonë ndodhen patrullat e Policisë Rrugore, të cilat po drejtojnë qarkullimin. Megjithatë, për shkak të numrit të madh të automjeteve në qarkullim, trafiku vijon të mbetet i rënduar.