Mëngjesi nis me dy shpërthime tritoli në Durrës! Policia jep detaje për ngjarjen

Në orët e para të mëngjesit, në qytetin e Durrësit janë hedhur sasi të vogla lënde plasëse në dy vende të ndryshme.

Sipas informacioneve paraprake, dëmet janë vetëm materiale dhe të lehta. Grupet hetimore po punojnë për të zbardhur rrethanat dhe për të identifikuar autorët.

Njoftimi i plotë:
Sipas informacioneve paraprake të Policisë, rreth orës 03:50 në lagjen nr. 11 në Durrës, në derën e jashtme të një lokali në pronësi të shtetasit G. K., është hedhur një sasi e vogël lënde plasëse. Si pasojë janë shkaktuar vetëm dëme të lehta materiale.

Rreth orës 04:30, në zonën e Shkallnurit, në anë të rrugës Plepa–Ndroq, është hedhur një sasi lënde plasëse në derën e garazhit të një automjeti, duke shkaktuar vetëm dëme materiale.

Grupet hetimore, nën drejtimin e Prokurorisë, po vijojnë veprimet për mbledhjen dhe administrimin e provave, zbardhjen e plotë të rrethanave, si dhe identifikimin dhe kapjen e autorit/autorëve./Piranjat News