Në një moment ku policia është angazhuar në protesta ku janë shënuar dhe përplasje të forta, rreth 5 mijë kame...
AKTUALITET
Ministria e Mbrojtjes: 5 vatra zjarri ende aktive, situata e menaxhueshme
PiranjatPërditësimi i fundit 25 August 2026, 14:31
Ministria e Mbrojtjes ka publikuar përditësimin e situatës së zjarreve deri në orën 14:00 të datës 25 gusht 2026.
Sipas informacionit zyrtar, deri në këtë orë janë raportuar 11 vatra zjarri, nga të cilat 5 mbeten aktive, 5 janë nën mbikëqyrje dhe 1 është shuar.
Në operacionet për menaxhimin e situatës janë angazhuar gjithsej 65 forca operacionale dhe 2 automjete zjarrfikëse. Forcat e Armatosura po mbështesin operacionet me 20 efektivë dhe 1 helikopter.
Vatrat aktive janë:
Mali i Dajtit, Tiranë – Vijon ndërhyrja në zonën mbi tunelet e Qafë Mollës, me 40 forca zjarrfikëse, 7 forca të ADZM dhe 20 efektivë të FA-së, të mbështetur nga 1 helikopter. Vatrat vijojnë aktive, por nuk ka rrezik për zonat e banuara.
Ballenjë, Dibër – Zjarri vazhdon në terren të vështirë shkëmbor. Janë angazhuar 5 forca të ADZM Dibër. Nuk ka rrezik për zonat e banuara.
Qafë e Helmës, Bulqizë – Vatra mbetet aktive dhe po monitorohet nga 4 efektivë të MZSH Bulqizë. Nuk paraqet rrezik për banesat.
Mali i Dardhës, Librazhd – Vatra është riaktivizuar në një sipërfaqe pyjore prej rreth 7–8 hektarësh. Në terren ndodhen efektivë të MZSH Librazhd. Nuk rrezikohen banesa.
Valikardhë, Bulqizë – Operacioni vijon me 1 automjet zjarrfikës dhe 6 efektivë. Po punohet për izolimin e vatrës, e cila favorizohet nga era dhe temperaturat e larta.
Situata paraqitet e menaxhueshme. Angazhimi kryesor është përqendruar te vatrat aktive. Zonat e Gjegjanit, Gojanit, Prozhmit dhe Tërbunit në Pukë nuk kanë më vatra aktive dhe vijojnë vetëm nën monitorim.
Agjencia Kombëtare e Mbrojtjes Civile (AKMC) vijon të ndjekë situatën në të gjithë territorin, në koordinim me prefekturat, bashkitë dhe strukturat e Mbrojtjes Civile. Kapacitetet operacionale mbeten të angazhuara dhe në gatishmëri për të ndërhyrë aty ku është e nevojshme, me prioritet mbrojtjen e jetës, banesave dhe pasurisë së qytetarëve.
