Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
AKTUALITET
Mjegull e dendur, stuhi dhe reshje bore, moti i keq godet Kukësin
PiranjatPërditësimi i fundit 1 Prill 2026, 12:29
Temperaturat e ulëta kanë sjellë reshje dëbore në disa zona të qarkut të Kukësit, kryesisht në segmentet e larta malore, ku është shfaqur edhe mjegull e dendur.
Gjatë natës dhe në orët e para të mëngjesit të së mërkurës (1 prill), reshjet e dëborës janë regjistruar në aksin Kukës–Shishtavec, ku kompania kontraktore ka ndërhyrë menjëherë me mjete borëpastruese dhe punëtorë për të mbajtur të kalueshëm segmentin rrugor.
Ndërhyrjet janë përqendruar veçanërisht në pjesën nga Ura e Shtrezës deri në doganën e Shishtavecit, ku ka edhe prani të dëborës dhe mjegullës së dendur. Sipas të dhënave nga terreni, intensiteti i reshjeve të dëborës në lartësitë mbi 700 metra mbi nivelin e detit është në rënie.
I gjithë qarku i Kukësit është përfshirë nga mot i paqëndrueshëm, i shoqëruar me reshje shiu në zonat e ulëta dhe reshje dëbore në zonat e larta malore. Kushtet atmosferike janë shoqëruar edhe me erëra të forta.
Megjithatë, sipas informacioneve nga terreni, trashësia e dëborës në zonat e larta malore nuk ka kaluar 3 centimetra, ç’ka deri tani nuk ka krijuar probleme serioze në lëvizjen e automjeteve apo në qarkullimin rrugor.
Ndërkohë, në segmentin Kukës–Tunel të Rrugës së Kombit, sipas kompanisë mirëmbajtëse, nuk ka prezencë dëbore. Qarkullimi i mjeteve në “Rrugën e Kombit” vijon normalisht dhe pa probleme.
Autoritetet u bëjnë thirrje qytetarëve të shmangin udhëtimet e panevojshme drejt zonave të thella malore dhe të respektojnë udhëzimet e policisë rrugore dhe të shërbimeve të mirëmbajtjes.
