“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
AKTUALITET
"Molla e sherrit" në vrasjen e Sarandës/ Kush është Tori Ruçi, nën hetim për trafik droge
PiranjatPërditësimi i fundit 9 Maj 2026, 13:22
50-vjeçari Viktor Ruçi, i njohur ndryshe si “Tori Ruçi”, emri i të cilit po lakohet si një nga figurat kryesore të konfliktit të përgjakshëm të ndodhur dy netë më parë në zonën e Gjashtës në Sarandë, ku humbi jetën 66-vjeçari Rexhep Ismaili. Sipas të dhënave paraprake, përplasja ka nisur pas një debati mes Kostandin Voglit dhe Viktor Ruçit.
Tori Ruçi, me origjinë nga Tepelena dhe banues prej shumë vitesh në fshatin Gjashtë, rezulton person me precedentë penalë dhe nën hetim për trafik droge. Dyshohet se konflikti lidhet me një mosmarrëveshje pronësie për një lokal në zonën bregdetare, çështje për të cilën më herët kishte pasur tensione dhe përplasje mes Ruçit dhe Voglit.
Sipas burimeve, Lulzim Tabaku, Idriz Çela, Eljo Muço, Kostandin Vogli, Marjo Agalliu dhe Ermal Shkalla kanë shkuar në lokalin në pronësi të Rexhep Ismailit për t’u përballur me Viktor Ruçin. Situata më pas ka dalë jashtë kontrollit, ndërsa 66-vjeçari Ismaili dyshohet se ka marrë një armë automatike dhe ka qëlluar disa herë në drejtim të grupit. "Djalin këtu se prekni dot" kanë qenë fjalët e 66-vjeçarit.
Në vijim të shkëmbimit të zjarrit, Lulzim Tabaku dyshohet se e ka qëlluar Ismailin me pistoletë në kokë, duke i shkaktuar vdekjen. Nga të shtënat ka mbetur i plagosur edhe Kostandin Vogli.
