FIFA ka arkëtuar rreth pesë miliardë dollarë nga shitja e biletave dhe paketat e mikpritjes për Kupën e Botës 2026, sipas ra...
AKTUALITET
Momenti i shoqërimit të Ergys Agasit në Drejtorinë e Policisë Tiranë
PiranjatPërditësimi i fundit 26 August 2026, 21:29
Ergys Agasi, i shumëkërkuar nga SPAK në kuadër të dosjes së AKSHI-t, është arrestuar ditën e sotme në Durrës.
Në momentin e ndalimit, Agasi shoqërohej nga Uljan Shpataraku, ish-drejtues në Policinë e Shtetit.
Agasi është nën hetim nga SPAK, së bashku me biznesmenin Ermal Beqiraj dhe persona të tjerë, për dyshimet mbi krijimin e një grupi të strukturuar kriminal dhe manipulimin e tenderëve publikë të AKSHI-t.
Sipas akuzave të ngritura në kuadër të hetimit, Agasi dhe Beqiraj dyshohen gjithashtu se kanë përdorur heqjen e lirisë dhe shantazhin ndaj biznesmenit Gerond Meçe, me qëllim që ai të tërhiqej nga ankimimet për disa procedura tenderimi ku synonin të fitonin kompani të lidhura me ta.
Beqiraj është arrestuar më herët në Francë, ndërsa udhëtonte me avionin e tij privat.
Çështja ka prekur edhe zyrtarë të lartë, pasi GJKKO ka vendosur pezullimin nga detyra të zv/drejtorit të Policisë së Tiranës, Erion Ismailaj.
Ndërkohë, drejtoresha e AKSHI-t, Mirlinda Karçanaj, është vendosur në masën e arrestit në shtëpi, ndërsa ish-zv/drejtoresha e institucionit, Hava Delibashi, është lënë në detyrim paraqitjeje për shkak të shtatzënisë.
