Mos u nisni! Bllokim total trafiku në autostradën Tiranë-Elbasan

Një trafik i rënduar prej disa kilometrash është krijuar në aksin Tiranë-Elbasan, duke shkaktuar radhë të gjata automjetesh dhe pritje për orë të tëra për drejtuesit dhe pasagjerët. 

Situata është veçanërisht e vështirë për shkak të temperaturave të larta, ndërsa qindra automjete kanë mbetur të bllokuara në dalje të autostradës, pranë rrethrrotullimit të Bradasheshit, në zonën e njohur si “hinka”. Nga pamjet e marra në Google Maps, trafiku duket se shtrihet nga fshtati Reçan, deri në Bradashesh. 

Problematika është e përsëritur dhe lidhet me mungesën e një bypass-i që do të shmangte fluksin e automjeteve në këtë pikë.

Ngarkesa e lartë e trafikut në këtë segment është kthyer në një shqetësim të vazhdueshëm për drejtuesit e mjeteve, veçanërisht gjatë ditëve me temperatura të larta dhe fluks të shtuar lëvizjesh.